ربـاعيّـات جـاهيـن (الجـزء التـاسـع)

ربـاعيّـات جـاهيـن الجـزء التـاسـع

[ندعوك للتسجيل في المنتدى أو التعريف بنفسك لمعاينة هذه الصورة]

أنا قلت كلمة وكان لها معنيين
كما بطن واحدة وتوأمين زي وشّين
لو دنيا شر.. التوأم الخير يموت
لو دنيا خير.. الشر ح يعيش منين
عجبي
*******
أنا اللي بالأمر المحال اغتوى
شفت القمر نطيت لفوق في الهوا
طلته ما طلتوش إيه انا يهمني
و ليه.. ما دام بالنشوة قلبي ارتوى
عجبي
*******
بره الإزاز كان غيم وأمطار وبرق
ما يهمنيش – أنا قلت – ولا عندي فرق
غيرت رأيي بعد ساعة زمان
وكنت في الشارع.. وفي الجزمة خرق
عجبي
*******
عيني رأت مولود على كتف أمه
يصرخ تهنن فيه.. يصرخ تضمه
يصرخ تقول يا بني ما تنطق كلام
ده اللي ما يتكلمش يكتر همّه
عجبي

*******
يا عندليب ماتخافش من غنوتك
قول شكوتك واحكي على بلوتك
الغنوه مش ح تموّتك إنما
كتم الغُنا هو اللي ح يموّتك
عجبي
*******
ياللي بتبحث عن إله تعبده
بحث الغريق عن أي شئ ينجده
الله جميل وعليم ورحمن رحيم
أجمل صفاته.. وانت راح توجده

عجبي

******

حقرا وفوق كوكب حقير محتقر
ze]في الكون تكون دنياكو إيه يا بقر
رملايه من صحرا؟ لكين إيش تقول
و الكون بحاله جوه عقل البشر
عجبي
*******
ياللي في حماه الشمس تلقي الملاذ
و ألف بكره وبكره.. في ضلوعه لاذ
مين أنت؟ مارد؟ رب؟ قال لأ ده بس
انا اللي باروي القمح واسقي الفولاذ
عجبي
*******
غسل المسيح قدمك يا حافي القدم
طوبي لمن كانوا عشانك خدم
صنعت لك نعليك أنا يا أخي
مستني إيه؟.. ما تقوم تدوس العدم
عجبي
*******
لا تجبر الانسان ولا تخيّره
يكفيه ما فيه من عقل بيحيّره
اللي النهارده بيطلبه ويشتهيه
هو اللي بكره ح يشتهي يغيّره
عجبي

*******

متميزة داثما ياماما
جزاك الله كل خير
وحفظك من اجلى
ومن اجل بنات المنتدى
وتسلمى على كل موضوعاتك

:سلمت يداك:

[ندعوك للتسجيل في المنتدى أو التعريف بنفسك لمعاينة هذه الصورة]

شكرا لكى ابنتى مونى

على ردك الجميل

وعلى اطرائك

جزاك الله كل خير

[ندعوك للتسجيل في المنتدى أو التعريف بنفسك لمعاينة هذه الصورة]

» ربـاعيّـات جـاهيـن الجـزء السـابـع
» ربـاعيّـات جـاهيـن( الجـزء الثـامـن)
» ربـاعيّـات جـاهيـن الجـزء العـاشـر
» ربـاعيّـات جـاهيـن( الجـزء الحادي عشـر)
» ربـاعيّـات جـاهيـن الجـزء الثاني عشـر