ثغرات فى موضوعات اعضاء المنتدى .. من منظور تكنولوجيا التعليم

سلام الله عليكم

او السلام عليكم و رحمة الله و بركاته

او صباح الفل او صبح صبح يا عم الحج

حتفرق كتيير .... حتفرق

ليه ؟ لا السؤال ازاى


عايز اقول ان تكنولوجيا التعليم مش حكاية رص كلام و مواضيع فوق بعضها و مفيش فايدة

بصوا يا جماعة

انا شايف ان الواحد بيكون بذل مجهود فى موضوع لكن ما هو مقياس اننا نقول الموضوع ده مفيد و لا لا

كلكم حتقولوا مضمون الموضوع

و بناء عليه
ف تكنولوجيا التعليم

حتهتم بالشكل

طيب من غير ما اعترض من حيث المبدا
اولا
الموضوع اللى بيكتبه (الكاتب ) بيلعب فيه دور المعلم او ما اشبه لانه صاحب الفكرة
و لانه بيصيغ المضمون
و لانه بيضفى عليه سمات شخصيته
و لانه بيضع وجهة نظره العملية او المقصد العملى فيه

و بناء على كل ما سبق

المسالة لا تقاس بكم او بترتيب ابجدى او بانك تلتزم بنمط معين فى الكتابة او حتى تنغلق على نفسك و تحط نفسك فى قسم او مجال بعينه

عايز اقول ايه بالظبط ؟؟؟

خلينى الخص كل اللى فات فى جملة واحدة

تكنولوجيا التعليم تقولك تقول ايه ازاى لمين

تكنولوجيا التعليم بتقول

فى حاجة اسمها طول قياسى للموضوع
و دى حاجة تشل بصراحة

اغلب الاعضاء يكتبلى موضوع عايز ساعة و نص قراية
ازاى بالله عليكم

طيب البديل العملى
تلخص الافكار و تعنصرها و تشيل الحشو


فى حاجة تانية اسمها

عنوان الموضوع و له وظيفة و له طول قياسى

فى حاجة تالتة اسمها

صياغة

فى حاجة رابعة اسمها

مقدمة ووسط وخاتمة

فى حاجة خامسة اسمها
مقصد عملى

فى حاجة سادسة اسمها
فكرة رئيسية و افكار فرعية

فى حاجة مهمة اهم من كل اللى فات اسمها طرق تدريس

بعيد عن الامتحانات
يعنى ممكن تتخيل نفسك بتدرس موضوعك فى فصل و اكتبله سيناريو

................

انا لا اتهم احد و لا اسخر من احد و لا استكبر على احد
و هذا اعتراف صريح منى بذلك و عليه توقيعى
و مستعد اسيب رقم بطاقة الرقم القومى بتاعتى لو تحبوا
........................................................
و الله على ما اقول شهيد
..................................................

و اخيرا
انا بس بقولكم انى موجود معاكم على قد ما اقدر
.......................................................
يا ريت تخلوا بالكم من مسالة الطول القياسى للموضوع
و بلاش تنقلوا من كتب

يعنى بالله عليكم
لزمتها ايه طرق التدريس و مش عارف فنيات التواصل و شم عارف ايه
و الكلام الكبير ده
و الاخر يبقى مواضيعنا بالشكل ده
و الله ده ما ينفع
.............................

و اخر الكلام
تقول الحكمة
تعلم من خبرات الاخرين فان الزمن لن يتيح لك الفرصة ان تجربها بنفسك
...............

تقبلوا تحياتى ما استطعتم

مع الشكر