ايوة مصر هي أمي وأمك

ايوة مصر هي أمي وأمك

ما انا وانت وانتي من عيلة مصرية .. مصر هي اُمنا الحبيبة
طيبة اوي ياما اديتنا وبتدينا وهتدينا مظلومة معانا وموحولة في الطين اُم
مسكينة بطلع كل خيرها لولادها ومبخلتش في يوم ولا هتبخل .. ومين ولادها ؟
احنا ولادها انا وانت وانتي وهو. دايماً ظالمنها وكل مصيبة نشتم فيها
ومنا اللي يسيبها ويمشي ومنا اللي مكبر دماغه أصلاً ومش بيعترف انها امه .
احنا اولادها وكتير أنواع منا التايه والغفلان ومنا الملهي بدنيته ومنا
اللي علي الحق فاهم الدنيا وعارف بلاويه بيحاول يصلح بيحاول يبني ومنا
اللي اتبرء منها وسرقها وطلع عينها ولعنها وقتل في اولادها الطيبين ما هي
قدرها كدة من بدري كل مايطلع في عيالها فالح عايز يريحها ويعزها ويحفظ
عرضها يتحارب ويموت او ينفي لبئس الحياة ..عيلة غريبة واُم أغرب برغم دة
كله لسة بتعطي لسة صابرة (صعبانة عليا) ودة كله وتقولي انتا ايه العيلة دي
فين الراجل وولي الأمر مالكوش أب طيب جوز اُم مين رباكم ؟؟؟

أقولكم اصل سلوبلدنا لازم فعلاً يكون لنا أب أو جوز اُم
(ولي أمر) ولحظها النحس كلهم رجالة أنا أسف أشباه رجالة بس فشنك مرة حرامي
ومرة عربيد ومرة سكير مابيعملش خير أبداً ولا أي حاجة أصلاً الا انه ياخد
تعب الغلبانة ويملي بيه كرشه ويعربد بيه وتقوله ياعم اولادك طيب امهم اللي
انتا واخد قوتها ورزقها يييييييه ولا حياة لمن تنادي . اقول ايه ولا ايه
ما انتم ولادها وعارفين وعيالها الطيبين اللي فايقين وعلي الحق ثابتين
ومتحدين ولعزتها متجهين عنده هما أعدائه أنا عارف هي كدة (عيلة تصعب علي
الكافر). بس هقول.....

والله ياما هحررك وهنصرك وهشيلك من الوحل ومحدش هيقدر
يتهمك بشئ دة انتي الحبيبة اللي خيرك مالوش نهاية وهنهي زمن ولي أمرنا
أنا أخواني أخواتي المؤمنين بأذن رب العالمين وهجيبلك شريك
يعرف ربنا حامل لكتابه وسُنة رسوله لا يفعل الا الحق ولا يقول الا الحق
ووالله كسرة الخبز معاكي خيراً من كنوز الدنيا وستظلي يا أمي وشماً
مرسوماً في قلبي ..

*أبنك وأخوانه
:egyf lag: :egyf lag:
[/size][/size]

Doaa Elgana كتب:: عشقناكِ يـــا مــــــصــــر

الشاعر : فاروقجويده

حملناك يامصر بين الحنايا

وبين الضلوع وفوق الجبين

عشقناك صدرا رعانا بدفء

وإن طال فينا زمان الحنين

فلا تحزني من زمان جحود

أذقناك في هموم السنين

تركنا دماءك فوق الطريق

وبين الجوانح همس حزين

عروبتنا هل ترى تنكرين؟

منحناك كل الذي تطلبين

سكبنا الدماء على راحتيك

لنحمي العرين فلا يستكين

وهبناك كل رحيق الحياة

فلم نبق شيئا فهل تذكرين؟!

فيا مصر صبرا على ما رأيت

جفاء الرفاق لشعب أمين

سيبقى نشيدك رغم الجراح

يضيء الطريق على الحائرين

سيبقى عبيرك بيت الغريب

وسيف الضعيف وحلم الحزين

سيبقى شبابك رغم الليالي

ضياء يشع على العالمين

فهيا اخلعي عنك ثوب الهموم

غدا سوف يأتي بما تحلمين...