ماالهدف

موضوع: ماالهدف الإثنين أبريل 06, 2009 7:15 pm

حاجه كبيره او مشكله كبيره انا فكرت فيها كتير

ياتري ايه هدفك في الحياه انت عايش ليه
راسم هدفك ازاي بصراحه الموضوع ده نفسه بيحيرني انا شخصيا
ياتري انت بتحلم ؟
اكيد بتحلم
بس بتعمل علشان تحقق حلمك ده وله بتحلم وخلاص ومستنيه يتحقق لوحده

الحلم جميل جدا وما ينفعش نعيش من غير حلم
بس الاحلي اننا نجعل حلمنا ده هدف ونجري وراءه ونحققه
مش نحلم وخلاص لو حلمنا وخلاص يبقي اكيد هنصحي علي كابوس

عارفين ليه كابوس علشان مش هنحاول نحققه
لكن لو حاولنا نحققه او نحقق جزء منه هيكون حقيقه مش كابوس
علشان كده بقلكم اجعل حلمك هدف واجري وراء الهدف ده علشان تحققه...
وما فيش انسان بيعيش عمره علشان يعمل حاجه ويسعي مره واتنين وتلاته الا لما يحققها قبل ما يتوفاه الله(ربنا يبارك في اعماركم كلكم يارب)
انا حقيقي الموضوع ده كتير بفكر فيه ونفسي تشاركوني الافكار..........

ياريت وبكل صراحه كل واحد يقول ايه هدفه واللي عايش وخلاص يقول واللي ما فكرش في كده بردك يقول واللي سيبها علي الله يقول ......
موقعنا ومنتدنا اسمه استفاده يعني لا زم نفيد بعض
ازاي
اقولكم ازاي ؟
يعني اللي عنده هدف نحاول مع بعض اننا نسعده علي تحقيقه
واللي ما عندوش نحاول اننا نسعده انه يكونله هدف ......
وما اصعب الحياه بلا هدف
اقولكم مقوله شكسبير قالها
(الحياه مسرحيه وكل شخص له دور فيها )
انا بقي بقلكم ياتري كل واحد ادي او تقمص الدور صح واتقن فيه واداله حقه
ياريت ياجماعه تشاركوني الاراء وبكل صراحه......
وانا هطلب التثبيت علشان انا شايف ان الموضوع ده مهم جدا جدا
واللي شايف انه يستحق انه يتثبت ياريت يطلب معايا التثبيت
وشكرا ليكم كلكم ويارب نساعد بعض علي تحقيق احلامنا واهدافنا...........