تنبيهات وتعليمات هاااااااااااااااااااااااااااااااااااااااااااااااااااااااامة:

تنبيهات وتعليمات هاااااااااااااااااااااااااااااااااااااااااااااااااااااااامة:

1_انزل بموبايل مش غالى لانه ممكن يتخبط او يبوظظ او يقع منك.
2_انزل بهدوم عادية وواسعة وكوتش عشان تقدر تمشى كتير أو تجرى .
3_هتتوزع ارقام موبايلات للمحاميين ومراكز حقوقية عشان لو اتمسكت تكلمهم.
4_اكتب ورقة وحطها فى جيبك فيها رقم موبايل اقرب حد ممكن يلحقك لو حصلت حاجة
5_خلى كل تركيزك مع عربية الهتاف او الاعلام اللى هنعلن انها مسؤولة عن المسيرة
6_اسمع كلام مجموعة التنظيم والتأمين اللى هتكون حوالين المسيرة.
7_أول ما تسمع هتاف سلمية اعرف ان فى حد بيهجم علي المسيرة لو مش هتشتبك وتدافع عن نفسك وعن المسيرة خليك فى الامان وما تجريش وتسيب المسيرة
8_اول ما تسمع هتاف ايد واحدة اعرف ان فيه مندسين فى وسطنا بيهدوا ريتم الهتاف اسكت وما تهتفش وراه ولو تقدر تسكته سكته
9_مطلوب التزام كامل بالهتاف اللى هيطلع من قائد المسيرة .
10_لو حصل اشتباك فى المسيرة زى ما تفقنا اقف ورا العلم الاسود اللى مكتوب عليه بالاحمر المجد للششهداء ده هيكون نقطة الامان
11_لو حصل هجوم من الشوارع الجانبية نمشى فى مجموعات ما نمشيش فرادى
12_خلى عينك دايما وقت الاشتباكات لفوق وبص على مكان نزول الطوب او المولتوف عشان ما تتصابش وتحمى اللى حواليك
13_لو حصل ضرب خرطوش هتلاقى ناس بترجع ورا مكان ما انت واقف كل اللى مطلوب من حضراتكم انكوا تحاوطوهم لان دول هما هتكون مجموعة الاشتباكات هترجع تطمن على الناس وتجهز الحاجة بتاعتها ونطلع قدام
14_خليك على اتصال دائم بقائد مجموعتك او منطقتك او حركتك
15_اول ما نوصل لمكان الاعتصام هيحصل اجتماع بين قادة المجموعات وهتطلع تعليمات الاعتصام وجداول الناس اللى هتروح والناس اللى هتفضل موجودة
16_وقت الاعتصام هيكون ما بين هتافات وخطوات تصعيدية زى قطع الطرق وتجهيز وسائل الدفاع عن النفس حالة حدوث هجوم من بلطجية او خرفان او داخلية
17_هدفنا توحيد الصفوووووووووووووووووف يعنى محدش يجيب سيرة مبارك ولا العسكر ولا الداخلية ولا البرادعى ولا حمدين ولا اى حد من دول مش عايزين نقط خلافية
18_لو حصل ضرب غاز احمى عينك وما تحطش ايدك عليها ولا تحط مية وخد نفسك من مناخيرك مش من بؤك وبالراحة وهدى اعصابك وحاول تعيط لو عينك لسة وجعاك من الغاز الدموع بتاخد تأثير القنبلة
19_ما تحاولش تمسك قنبلة الغاز بايدك عشان هتتحرق الناس اللى بتمسكها عارفة هيا بتمسكها ازاى من غير ما تتأذى
20_ما تحاولش ترمى مولتوف عشان ممكن تولع فى نفسك وفينا
21_الاصابات اللى هتكون مننا هنرجعها لورا ومهمتك انك توصلها للمستشفى الميدانى اللى هنعلن عن مكانها
22_لو هتحدف طوب خليك قدام فى المواجهة لان اللى بتحدفه بييجى على زمايلك اللى قدام فمش هتبقى انت والاخوان عليهم
23_فى حالة الاصابة بخرطوش ثبت المصاب كويس عشان البلى ما يتحركش فى مكان خطير.
احنا نازلين نسقط نظام مش رايحين مظاهرة
احنا بنعمل ثورة مش وقفة
لا تراجع عن تنفيذ المطالب كااااااااااااااااااااملة
الخطوات التصعيدية اللى هيتم اتخاذها ممكن تزعل ناس بس معلش نستحمل عشان نمشى الاخوان
انت نازل تعتصم بشكل سلمى وليك كامل الحق فى الدفاع عن نفسك ضد اى هجوم
نازلين نحرر مصرنا مش نتفاوض مع بلطجية

الله يكفي مصر شر الفتنة

» موضوع يهم الجميع إرتـــفــــاع ضـــغـــط الـــدم Hypertension مصطلحات وتعليمات مفيدة
» رسالة لكل أعضاء المنتدي بعنوان " تنبيهات ووظائف وموضوعات جديدة وردود متميزة من الأعضاء New Topics & News
» المجلس الأعلى للجامعات يقرر استئناف الدراسة غدا (في الجامعات التي بدأت يوم السبت) وتعليمات لرؤساء الجامعات بعدم تقديم الاستقالة (نقلا عن الأهرام واليوم السابع)