أنا بنت مصرية

[ندعوك للتسجيل في المنتدى أو التعريف بنفسك لمعاينة هذه الصورة]

أنا بنت مصرية

على اسم مصر الغالية .. سموني مصرية

بنت بلد جدعة .. وعندي شخصية

شديدة وقت الجد .. بس كلي حنية

من الصعب عمري ما أهرب .. ما أنا أصلي عندية

والتاريخ عليا يشهد .. بطولاتي تاريخية

أطير لسابع سما .. وبكل حرية

بس عارفة حدودي صح .. أصلي متربية

ربي وديني ورسولي .. دايمًا في الأولوية

وبلدي عندي دايمًا .. أغلى مني عليا

في المحن دايمًا أسد .. شجاعة وقوية

معرفش طعم الفشل .. وطول عمري أبية

قلبي مسامح وطيب .. دايمًا بنسى الأسية

وأعامل الناس كلها .. بطيبة وحُسن نية

وأكتب في العشق قصة .. في الحب حقيقية

لولادي دايمًا أنا .. الأم المثالية

تعب وسهر ودموع .. غرقانة تضحية

حنية وطيبة وحب .. مليون في المية

وفي شغلي دايمًا جد .. ولا أحب المحسوبية

وبحب أصحابي وأهلى .. وأشيلهم جوا عنيا

وزوجى عندى اغلى من كل الدنيا دية

قولولي مين زيي .. في بنات الكرة الأرضية

آخد في التميز .. الجايزة العالمية

أصلى مش أي حد .. ده أنا بنت مصرية `

[ندعوك للتسجيل في المنتدى أو التعريف بنفسك لمعاينة هذه الصورة]