مين فينا الغلطان؟

مين فينا الغلطان؟
د. هانى أبو الفتوح

[ندعوك للتسجيل في المنتدى أو التعريف بنفسك لمعاينة هذه الصورة]

أنت الغلطان وللا إحنا؟

اسأل نفسك وقت المحنة
مين بهدلنا ومين يعايرنا
ومين جرحنا؟
مين خلانا نشحت قوتنا
ونبيع روحنا؟
مين يوعدنا يصلح بكره؟
وبكره بييجى وهو دابحنا
مين خلانا نحلم برغيف
هربان ولا راضى يصالحنا؟
مين عاش يحكم فينا سنين
هَمُهْ مصالحه، ونسى مصالحنا؟
.......................................
فاكر لما مسكت الحكم
قلنا نشيلك جوه عنيننا
كام سنة عدت
كل الدنيا ما تسمع بيننا؟
لا فْيُوم نشكى.. ولا يوم نبكى
ولا فكرنا نمد أيدينا
قلنا هنصبر هنا وياك
والصبر فى آخره هيدينا
نبنى بلدنا.. وتِعْلَىَ رايتنا
والدنيا ساعتها ما تكفينا
ريسنا بطلنا وبنحبه
دا كفاية ..
كان ف اكتو بر وعبر بينا
...............................
عَدِتْ كام سنة متغيرناش
وأنت إللى بديت وبتتغير
تقول اصبروا.. بكره هتفرحوا
أحنا بنصبر.. وأنت ما تصبر
كبروا ولادك وبدأنا نشوف
هَمْنا يكبر
هما يعبوا ويدوا أصحابهم
و أنت لا تِدِى .. ولا بتقدر
وتقول دا زيادة سكان
مكتوب كاتبه الله ومقدر
طيب القدر كان بس علينا
وللا أنت علينا بتتشطر ؟
ونْقَلِبْ دفاترنا نلاقى
كله معاك.. إما حرامى
أو شيخ منصر
واللى يعارضك
يفضل فى السجن بكام محضر
قلنا الله دا مفيش رحمة
قلبه اِتْحَجر
هنا قلنا كفاية وبزيادة
وبدأنا نفكر ونعبر
و لو قلنا اِرْحَمْ
بتقول لأ... بعنيكم
قاعد على قلبكوا مِتْمَسْمَر
ومن بعدى ييجى المحروس
ابنى الشاطر المتشطر
سنة سودة.. هو أنت كمان هتْوَرثنا
لواد مجنون عفريته جايلى ومِتْحَضر
صرخنا وقلنا لأ.. دا لا يمكن
على جثتنا.. يا إما نموت أو نتطهر
وترد تقول.. كلمتى تمشى
أنا بس.. كبير
وإحنا نقولك.. ربنا أكبر
يا ريتك سبتنا من بدرى
العمر كان لسه صغير
مش كان بزيادة عليك وعلينا
وألا أنت .. فينا ما بتفكر
.......................................
مين وصلنا لآخر المشوار
يا نقول سراق وألا حرامى
يا نقول قَتَال .. ناخد بالتار؟
من عيشنا ف الوهم كتير
مين صحانا وبقينا أحرار؟
مين اتغير فينا وأَسْى قلوبنا
خلا قلوبنا زى الأحجار؟
مين عَلا ما بيننا وبينك
وبدال ما هنبنيها محبة
قمنا بنينا بدلها جدار؟
أهى مصر فى لحظة بقت ولعة
وأنت اللى بتتكوى بالنار
مين خللى الحكم فساد
مين اتكبر فيها وساد؟
مين دايماً ما بيسمعش
ومَلا الدنيا بحالها عناد؟
مين كان بيطنش ويكبر
ناسى إن لِعُمْرُه ميعاد ؟
ونسيتنى ونسيت أيامى
لا تقُولِى محبة
ولا عاد صبر ولا فيها وداد
ومشيت ع الأرض.. ما همك حد
والحاشية .. عملونى مزاد
يا خسارة الأيام الحلوة
يا خسارة حرب الأمجاد
وعشان لا أفكر وأتعكر
ولا حد يقُولِى كلام بطال
فكرت لقيت العيب كان فيك
أنت إللى قسيت .. وأنت اللى بديت
وأنت إللى بقيت للدنيا مثال
فاكر .. طول عمرى أنا طيب وابن حلال
ولا بيع صاحبى بكنوز الدنيا ولا بالمال
ولا أحب الغدر .. ولا أحب الهجر
ولا فيا خيانة .. ولا محتال
أنا مصرى .. أنا مصرى أصيل
أنا حلمى قليل على أد الحال
وأحب أبويا وأحب العم وأحب الخال
وبوقر كل كبير فى السن
وأتمنى أجاوبه فى أى سؤال
إنما وياك .. مش عارف ليه
قلبى المليان .. اتعبى وشال
أنا بايعك ... لا تعاتب نفسك ولا أعاتبك
سايبك ... ربك وحده اللى يحاسبك
سبحانه الوهاب المتعال

اضاع مجده وتاريخه بايده على الرغم من محاولاته فى تشيده.
لم يبقى له شىء غير البكاء على الاطلال ، او اللبن المسكوب.
وهل يفيد؟؟؟؟؟؟؟؟؟؟؟؟
والسبب معروف الطمع والجشع عمى عينه وغواه الشيطان والسلطة والمال.
يكفى أن اسمه اتمحى ليس من أغلب المادين والمدارس ، بل من انحاء الجمهورية.
وأصبح لا يشرف احد ان يحكى معه.
سبحان مغير الاحوال.
اللهم احسن خاتمتنا واعمالنا...اللهم آمين يارب العالمين.
تقديرى

متميزة إدارية نائبة

» ليس فينا مريض!!!!!
» يا شباب وفتيات المسلمين ............شاهدوا رأي نجوم هوليود فينا؟؟؟؟؟؟؟