منى السيسي
مشرف Supervisor
عدد المساهمات : 629
نقاط : 965
تاريخ التسجيل : 18/12/2009
بطاقة الشخصية
تربوي:
 |  موضوع: وصية الرئيس السابق مبارك لعائلته.............قبل الثورة، قبل الثورة.  الأحد فبراير 20, 2011 11:43 am | |
| [ندعوك للتسجيل في المنتدى أو التعريف بنفسك لمعاينة هذه الصورة]
التفت الأسرة حول فراش الزعيم وهو يلفظ أنفاسه الأخيرة
قال الزعيم بصوت ضعيف ولكنه حازم فى نفس الوقت
حسني: كلكم موجودين
سوزان: أيوه ياحسني ... أنا جنبك أهه ... وأدي جمال وعلاء ... قمرين دول ولا عينين
حسني: طب إسمعوا اللى حقوله كويس
جمال: سامعينك يابابا ... إتكلم
حسني: مصر دى كنز.. ياولاد
... إمكسوا فيها بإيديكم وسنانكم بنسرق فيها بقالنا سنين وسنين ولسه بتدينا
علاء: هيا دي البركة اللي بيقولوا عليها يابابا
حسني: أيوه يابني .... ربنا يبارك لكم ولعيالكم فيها ....
علاء: إنته على الهوى يابابا ..... إتكلم
حسني: أنا مش مديون لحد ياولاد ..... يعنى أى واحد يصيح عليكم
ويقول لكم أبوكم كان مستلف مني فلوس تفوا فى وشه على طول
علاء: إطمن يابابا ..... حرامي على حرامي ما يلعبش
حسني: أنا سيبت لكم ياولاد اللى يكفيكم إنتوا وعيالكم وعيال عيالكم ويفيض فلوس متلتلة متتعدش
مش حقول لكم حافظوا عليها وبس لآلآلآلآ
... زودوها كمان وكمان لاجل ما روحي ترتاح وأنا فى تربتي
جمال: هيا الفلوس اللى إنتا عملتها يابابا دي بتسميها فلوس
شفني أنا وعلاء حنعمل إيه ولا صحيح حتشوفنا إزاي .....
عموماً ما تقلقش
حسني : ودلوقتى إسمعوا وصيتي
..... الحكم لاولاد مبارك
... لازم أول ما جمال يحلف اليمين تغيروا إسم مصر وترجعوه
زي ما كان زمان أيام الملك فاروق والملكة نازلي
(المملكة المصرية)
جمال: مفهوم يابابا .... خش في اللي بعده
حسني: الجيش والشرطة والأزهر
... أوعوا واحد من التلاته دول يخرج عن طوعكم أبداً
علاء: مفهوم برده .... اللي بعده .... ياساتر ده إنته ملل
سوزان:عيب ياعلاء لما تكلم أبوك كده
علاء: بهزر ياماما
حسني: الهرم لأم العيال
... ليكي ياسوزان بعد ما خدمتيني بتفاني وإخلاص طول السنين دي
سوزان: هرم !!!!!!! ..... هو دي آخرة صبري !!! ......
وده يسوى كام ده!!!!
علاء وهو يمسك بالألة الحاسبة : يسوى كتير ياماما ..
لو تحبي أتصرف لك فيه ممكن يعمل معاكي مبلغ كويس
سوزان: مش ح ارضى باأقل من التلات أهرامات وأبو الهول
حسني: مش خسارة فيكي ياغالية أثار النوبة لعلاء ...والأقصر لجمال
ودلوقتي نيجي للميه
الساحل الشمالي لعلاء والبحر الأحمر لجمال
وقناة السويس تخصصوا دخلها صدقة جارية على روحي
سوزان: إنته أكيد مخبول ... مليار ونص دولار صدقة جارية على روحك
جمال: ما تاخديش على كلامه ياماما ....
ده يبقى كتير لو طلعنا 100 ولا 200 جنيه على روحه للفقراء
علاء وهو يمسك بالألة الحاسبة: ممكن نطلع لحد ألف جنيه يا جمال ... السيولة تسمح
حسني: أوعوا تفرطوا فى حبيب العادلي من بعدي يا ولاد ..
حبيب قلبه ميت وإيده طرشه وهوه ده اللي ينفع مع الغجر اللى هنا
جمال: بس ما بيعجبنيش شنبه يابابا
حسني: إنته مالك ومال أم شنبه ..... إحنا بنشتري مجرم
جمال: أعاهدك يابابا إني حخليه معايا ومش حفرط فيه أبداً
حسني: الشيخ طنطاوي ياولاد راجل بركة ...... يمين يمين شمال شمال
أوعوا تفرطوا فيه بس ما تخلوهوش يصلي عليا
لأنى بصراحة مش متأكد إن كان ربنا حيقبل منه ولا لأ
حسنى: المشير طنطاوى ياولاد
.... مش حوصيكم عليه . . . الراجل ده عامل زي الست المستحية
.... حاطط وشه فى الأرض على طول وعمره ما استجرى يرفع عينه في
ا ... وفى نفس الوقت ماسك الجيش بإيد من حديد
سوزان: هوه فعلاً خجول وكل ما يشوفني ما يقوليش غير ياست هانم
.... إبقى خليه معاك ياجمال
جمال: حاضر ياماما
حسنى: عايز جنازتي ياولاد الناس تحكي وتتحاكى عنها ......
هاتوا المخرج الإيطالي ده اللى إسمه مكافيللي يصورها
علاء وهو يمسك بالألة الحاسبة: هوه حيكلفنا كتير
... لكن ممكن فى الأخر نلم مبلغ معقول
لو خلينا شركة أجنبية تحتكر حق توزيع الفيديو في أوروبا وأمريكا
حسني: عايز أحلى مدفع يشيل النعش يا ولاد
جمال: مدفع رشاش
سوزان: الهزار مش في الحاجات دي يا جمال
جمال: آسف يا ماما
حسني: عايز أدفن فى شرم الشيخ ياولاد جنب أولمرت وشارون
علاء: بلاش كفر مصيلحة يعني؟
حسني: لأ كلها براغيت ياعلاء ........
وإسم شرم الشيخ كمان.. أشيك بكتير
[/b] | |
|
