الحب الحقيقى

موضوع: الحب الحقيقى الجمعة نوفمبر 26, 2010 6:57 pm

الحب الحقيقى

شعر عامى بقلم /

أمانى صلاح الدين

[ندعوك للتسجيل في المنتدى أو التعريف بنفسك لمعاينة هذه الصورة]

الجو إمبارح كان جميل والنسمة هاديــــــة ورقيقــة

قلت أخرج اشم الهـــوا واقعد على البحر كام دقيقــة

وشوية شويه إحمــرت الدنيا حـواليه زى الحريقـــة

بصيت يمــين وشمــال أعرف إيه الحكاية والحقيقـة

لقيت بنــات وشبـــاب رايحيــين جايين اتنين اتنيــن

اللـى فى إيــده شنطـه حــمرا واللى شــايل وردتيــن

واللى ناكـــش ف شعره واللــــــى ماسك دبدوبــــين

افتكرت الحصبة رجعت واللا الناس دول عيـــانيين

وياعينى على اللـى ما شى واقــع منه بنطــــــلونه

والتى شيرت بتاع أخته وفيه إعــــلان عن جنــونه

وياعينى على الحجاب ملــــــقاش عاقله تصــــونه

حمروه هو كمــــــان وغيروا وبدلوا مضمــــــونه

دب حزن جوه قلبى وســـألت يا شباب إيه الحكايه

بصوا لى من فوق لتحت قالوا نحكى من البدايـــه

اليوم ده عيد الحـــب ودى قصة ليها أحلى رواية

قديس حـــب وانتحر بس ما كانتش دى النهـــــاية

لقى وراه مسلمين يصــــــونوا الذكرى ويحييوها

لقى وراه موحدين عمـــــــرهم ما يقدروا ينسوها

كــــرموه وقــــــــدروه وطقوســـــه لازم يعملوها

ونســــيوا إنها بدعة لازم يبعدوا عنها ويسيبوها

أعيادنا معروفة يا مسلمين فيها العزة والكرامة

فيها الطهارة والنظافة والسعادة والســـــــــلامة

عيد بعد الصبر والصيام والنجاة من النــــــدامة

والأضحى فيه الفــــــــدا ولينا فيه درس وعلامة

ليه دايما بنــــــــحب نجرى ورا السراب والخيال

ونسيب كل حـــــــــــاجة فيها الخير وراحة البال

الحق واضـــــح بين إيديكم وبترمحوا ورا أطلال

الحب الحقيقى لله الأحــــــد ذو الكمـــال والإجلال

ليه تضيع حياتك فى التفاهة وتنسى يوم طويل

لا حينفع فيه ضحك ولا حينفع فيه بكـــا وعويل

ده يوم السعادة للمؤمن اللى صبر الصبر الجميل

على المكاره والشهوات وكان لله مسكين ذليـــل

الكل يا اخوانى رايح وزايل مهما طال بيه الزمن

وعمرك زى الشجرة اللى كل يوم يقع منها غصن

ابعدى أختى وابعد أخويا عن كل مصدر للفتــــــن

ابعد فى حياتك عن كل شرك وكسر كل وثــــــــن

حب فى الله أخوك وصاحبك وأختك وأمك وأبوك

هما دول اللى ينفـــــــعوك يوم القيامة وينجوك

لما ظل الرحمن يظلهم يوم الدين معاهم يخدوك

صدقنى حب المؤمنين غنيمه خليك مع اللى يحبوك

يارب اهدينى واهدى شبابنا لطريق الخير والهدايه

ابعد عنى وعنهم يارب كل طريق فيه شر أو غوايه

وابعد عنا كل شيطان من جن وإنس هلاكنا له غاية

حبب لنا الإيمان والتقوى وخلى الشهادة دى النهاية

عيد بعد الصبر والصيام والنجاة من النــــــدامة

والأضحى فيه الفــــــــدا ولينا فيه درس وعلامة

استاذة

زينب

تظلين داااائما مبدعة

كفاعله

[ندعوك للتسجيل في المنتدى أو التعريف بنفسك لمعاينة هذه الصورة]

كل الشكر لك أخى الكريم

أبو بدر

على ثنأكم فنحن نعمل بكل الصور

لنعيد شبابنا لدينهم الجميل

هداهم الله

ورفع بهم الأمة

[ندعوك للتسجيل في المنتدى أو التعريف بنفسك لمعاينة هذه الصورة]

لقى وراه مسلمين يصــــــونوا الذكرى ويحييوها

لقى وراه موحدين عمـــــــرهم ما يقدروا ينسوها

كــــرموه وقــــــــدروه وطقوســـــه لازم يعملوها

ونســــيوا إنها بدعة لازم يبعدوا عنها ويسيبوها

للأسف ... هذا يحدث !

نسأل الله الهداية

[ندعوك للتسجيل في المنتدى أو التعريف بنفسك لمعاينة هذه الصورة]

آمين يا دعاء الجنة ربنا يهدى أمة الاسلام

ليعودوا لدينهم عودا جميلا

ليرفع بهم الأمة

ويزيل بهم الغمة

ان شاء الله

[ندعوك للتسجيل في المنتدى أو التعريف بنفسك لمعاينة هذه الصورة]

شكراااااااااا يااستاذه زينب وفعلا ربنا يهدي شباب المسلمين
وعلى فكره انا كنت كاتبه زجل برضه عن الحب لاني شايفه انه طاقه ايجابيه الانسان لازم يطلعها فيحب نفسه واهله واصحابه وهما بالتالي حيحبوه

الحب مش كلمه وبس
الحب افعال بتتحس
وشعور بالامان في كل مكان يكون فيه الحبايب موجودين
بنحس وياهم بالسعاده والدفء والحنين
ومعاهم بنكون مبسوطين
ونتمنى العمر يطول وعلى طول نكون معاهم
ونرسم ابتسامه على شفاهم
الحب بيتولد من التفاهم
والتناغم في المشاعر والظروف
الحب كلمه بدون حروف
الحب غنوه حلوه تسعد الالوف
جرب وشوف
حب ناسك حيحبوك
اهلك عيلتك اللي جابوك
حب صحابك ضحي عشانهم
اديهم قبل ماتاخد منهم
افديهم يفدوك بعيونهم
عالخير دايما حيدلوك
حب حياتك
حس بذاتك
خليك واثق من قدراتك
عيش اوقاتك
املى حياتك حب وخير
ساعد نفسك ساعد الغير
حب الحب لذاته
وانسى تجارب فاتوا
فكر في المستقبل واحلم بيه
وماتنساش الحاضر عيشه بكل مافيه
بالتفاؤل والمحبه ارويه

حتلاقيه

بستان كبير
يطرح شجر وورود كتير
اللي يديلك ظلاله واللي يديلك عبير
هي الدنيا خد وهات
ادي ثانيه تاخد ساعات
جدد قلبك اللي مات
بالحب تعمل معجزات
بالحب الدنيا تبقى جنه
بالحب نتهنى
ونحقق كل الامنيات

[ندعوك للتسجيل في المنتدى أو التعريف بنفسك لمعاينة هذه الصورة]

شكرا لكى ابنتى مروة

جعلتمونى أشعر انى فى واحة مليئة بالشعراء

من جمال الرد وحسنه

يارب أشوفكم أديبات عظيمات

وأشوف الأمة فى أعلى عليين

آمين

[ندعوك للتسجيل في المنتدى أو التعريف بنفسك لمعاينة هذه الصورة]

» الحب الحقيقى(اختبار نفسى)
» ومن الحب ما قتل !
» العدو الحقيقى.. هو اللغو الموجود فى داخل الانسان
» ما أعظم الحب فى الله ! صورة رائعة من صور الحب فى الله
» الحب بن الحب اسامة بن زيد