الحب مش كلمه وبس....(للي حيحتفل بالفالنتين)

:

بمناسبه ان في ناس بتحتفل بالفالنتين بكره ان شاء الله
وبينتظروا اليوم ده بس عشان يحسوا ان في حد بيحبهم او ان حد يقولهم كلمه حلوه
كتبت الزجل ده
لان الحب ليس مقتصر على يوم او يومين في السنه ولان الحب مش بس اللي بين الرجل والمرأه ولان الحب مش كلمه وبس


الحب مش كلمه وبس

الحب افعال بتتحس

وشعور بالامان في كل مكان يكون فيه الحبايب موجودين

بنحس وياهم بالسعاده والدفء والحنين

ومعاهم بنكون مبسوطين

ونتمنى العمر يطول وعلى طول نكون معاهم

ونرسم ابتسامه على شفاهم

الحب بيتولد من التفاهم

والتناغم في المشاعر والظروف

الحب كلمه بدون حروف

الحب غنوه حلوه تسعد الالوف

جرب وشوف

حب ناسك حيحبوك

اهلك عيلتك اللي جابوك

حب صحابك ضحي عشانهم

اديهم قبل ماتاخد منهم

افديهم يفدوك بعيونهم

عالخير دايما حيدلوك

حب حياتك

حس بذاتك

خليك واثق من قدراتك

عيش اوقاتك

املى حياتك حب وخير

ساعد نفسك ساعد الغير

حب الحب لذاته

وانسى تجارب فاتوا

فكر في المستقبل واحلم بيه

وماتنساش الحاضر عيشه بكل مافيه

بالتفاؤل والمحبه ارويه

حتلاقيه

بستان كبير

يطرح شجر وورود كتير

اللي يديلك ظلاله واللي يديلك عبير

هي الدنيا خد وهات

ادي ثانيه تاخد ساعات

جدد قلبك اللي مات

بالحب تعمل معجزات

بالحب الدنيا تبقى جنه

بالحب نتهنى

ونحقق كل الامنيات