الدنيا ساقيه (زجل من تأليفي)

الدنيا ساقيه وكلنا بنلف فيها تعبنا وشقينا
وينتهي يومنا على سريرنا اترمينا ..نموت وييجي الصبح يحيينا
يصحينا.. بصوت عصفور ويشجينا
يصحي من تاني الامل فينا
يحلي الدنيا في عنينا
ينسينا ..كل اللي اتعمل فينا
ونرجع للف في سواقينا
نقابل ناس تفرحنا
وناس كتير تبكينا
وناس من حبهم فينا بيتمنوا اللي يرضينا
واللي بيرضينا وجودهم جنبنا
ده لوحده يسعدنا ويكفينا
ويهون علينا اللف في السواقي واللي باقي في عمرنا
مهو مستحيل نعيش من غير ماحد يحبنا
ومستحيل نعيش من غير لزوم
ولا من غير هموم
هي السما بتفضى م الغيوم!!!
والغيوم بتجيب مطر
والمطر بيطلع النبات من الحجر
والحجر بيلين
والبشر جامدين
وكلنا عايشين
مشيين....
بنلف في السواقي وحيرانين
نفسنا لو حد يفكنا اتخنقنا م الروتين
فك نفسك واتحرر وعيش
دي الاحلام مابتنتهيش
احلم وحقق حلمك ده النجاح مابيتنسيش
وخدها مني كلمه
صعب تدي وماتلاقيش

[ندعوك للتسجيل في المنتدى أو التعريف بنفسك لمعاينة هذه الصورة]

وكمان أديبة تسلم الأيادي يادكتورة مروة

[ندعوك للتسجيل في المنتدى أو التعريف بنفسك لمعاينة هذه الصورة]

ربنا يخليك يادكتور وسام ..اديبه مره واااااحده ده بس من ذوقك

رغم انني لم افهم بعض الكلمات من اللهجة المصرية ....لكن معاني هاته الخاطرة رائعة
اتمنى منك المواصلة يا اديبة المنتدى....

شكرااااااا يااستاذ سامي عالكلام الجميل واعتقد ان اللهجه المصريه سهله وممكن تتعلمها بسهوله ان شاء الله