قول ياعم صلاح

قول ياعم صلاح

*************************************

يا للي انت بيتك قش مفروش بريش
تقوى عليه الريح. يصبح مفيش
عجبي عليك حواليك مخالب كبار
و ما لكش غير منقار و قادر تعيش
!عجبي

**********************************

يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
!عجبي

***********************************

أنا قلبي كان شخشيخة أصبح جرس
جلجلت بيه صحيوا الخدم و الحرس
أنا المهرج ... قمتو ليه خفتو ليه
لاف إيدي سيف و لا تحت مني فرس
!عجبي

**********************************

حبيت...لكن حب من غير حنان
وصاحبت لكن صُحبه مالهاش أمان
رحت لحكيم واكتر لقيت بلوتي
إن اللي جوّه القلب مش ع اللسان
!عجبي

******************************************

إيش تطلبي يا نفس فوق كل ده
حظك بيضحك وانتي متنكدة
ردت قالت لي النفس: قول للبَشَر
ما يبصوليش بعيون حزينة كده
!عجبي

حاسب من الاحزان و حاسب ل?ا

حاسب علي رقابيك من حبل?ا

راح تنت?ي و لابد راح تنت?ي

مش انت?ت أحزان من قبل?ا؟

عجبي

******************************************

يأسك و صبرك بين إيديك و انت حر

تيأس ما تيأس الحياه راح تمر

أنا دقت مندا ومندا عجبي لقيت

الصبر مر و برضك اليأس مر

عجبي

******************************************

ولدي نصحتك لما صوتي اتنبح

ما تخفشمن جني و لا من شبح

و ان ?ب فيك عفريت قتيل إسأله

ما دافعش ليه عن نفسه يوم ما اندبح

عجبي

******************************************

ولدي إليك بدل البالون ميت بالون

انفخ وطرقع فيه علي كل لون

عساك تشوف بعينك مصيرالرجال

المنفوخين في السترة و البنطلون

عجبي

******************************************

كام اشتغلت يا نيل في نحت الصخور

مليون بئونه و الف مليون ?اتور

يا نيل أنا ابن حلال و من خلفتك

و ليه صعيبه علي بس الأمور

عجبي

******************************************

خرج ابن آدم من العدم قلت
: ياه

رجع ابن
آدم للعدم قلت
: ياه

تراب
بيحيا ... وحي بيصير تراب
الأصل
هو الموت و الا
الحياه ؟

عجبي

******************************************

!!!يا باب يا مقفول ... إمتى الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي !!

******************************************

انا شاب لكن عمري ألف عام وحيد لكن بين ضلوعي زحام

خايف و لكن خوفي مني أنا أخرس و لكن قلبي مليان كلام

عجبي !!!!

جميل ما اخترتى يا ايمان

من أزجال المبدع صلاح جاهين

لكن على المنتدى دواوين صلاح جاهين

وهى مثبته فاختارى منها ما شئت

شكرا جزيلا لكى وعلى حسن اختيارك

فانتى تتمتعين بحس فنى جميل

قول ياعم صلاح 756577

» صلاح جاهين
» صلاح جاهين
» قبر صلاح الدين..
» الناصر صلاح الدين
» رباعيات صلاح جاهين