برمجيات الاختراق .. و سياسات الحماية ....فى نظام التشغيل ويندوز ..(2) ..

لما تيجى تسال نفسك سؤال بس غريب شوية
... هو ليه فى اكتر من انتى فيرس ؟
ايه احسن انتى فيرس موجود
نعمل استفتاء ؟؟لكن برده اللى عمل الاستفتاء مجاوبنيش

[b]هو الفيصل فى الموضوع ايه بالظبط
شهرته ؟؟ قدرته على تامين نظام التشغيل و ملفات المستخدم الشخصية
ممكن ؟؟

قدرته على تامين تصفح امن للانترنت و حماية ايميلاتك و كلمات مرورك و باسورداتك من السرقة
ممكن ؟؟
انه يبقى خفيف و مبيستهلكش ذاكرة كتير و بالتالى مش حيبقى عب على الجهاز و مش حيتقهلولك
ممكن ؟؟
انه مش حيزعجك كل شوية برسائل تحذير و يقولك فاضلك يومين و تشترى سيريال فاضلك يوم فاضلك ساعة
و من ناحية تانية انك متتعبش فى انك تعمله ابديت updat و انك تعمله اكتيفيت activet او انك تلاقيله سيريال user name .. password
او انك تلاقيله كيجين kegen او انك تلاقيله مفتاح رخصة
hedit key .. licence key
كل ده تحت عنوان انك تسجل البرنامج و تاخد تحديثاته سواء حتجربه لمدة 15 يوم trial او انك حتعمله regesitration
ممكن ؟؟
فى حاجات تانية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اه كتير
معلش حتتحملونى النهاردة لان الموضوع مش رص كلام انا عايز اوصل بيكوا فى الاخر لنتيجة
................................................................

ايه تانى ممكن تحطه فى اعتبارك لما تفاضل ما بين انتى فيرس و غيره
انك لما يكون جهازك متلغم او متفيرس و تعمل بيه سكان scan فالانتى فيرس يطلعلك نتيجة عمليه
ازاى ... انه يكتشف وجود الفيرس و يحذفه و يعالج اثاره على الوينوز و ملفاتك كلها
مش تعمل .. scan .... يقولك مفيش حاجة و كله تمام مع انك متاكد ان فى حاجة غلط
..........................................

[b]كمان ان الانتى فيرس
يكون بيتبع سياسة حماية تتوافق مع ...............:::::::::::::::::::::::::::::::::::::::::::::::::: خلوا بالكم

رؤيتك لموضوع الحماية اساسا
احتياجاتك الفعلية كمستخدم
و نوع و مستوى الحماية الى يتطلبها ؟؟ ايه شغلك على الجهاز و ايه تانى ... ظروف و انواع التهديدات التى بتهددك كمستخدم
.... و ايه تانى اهم شىء ثغرات نظام التشغيل الى حضرتك بتشتغل عليه
و ايه كمان
دماغ و مزاج سعادتك
................. ههههههههههههههههههههه

يعنى ايه دماغ و مزاج سعادتك دى و ايه علاقتها بسياسة الحماية بتاعة الانتى فيرس او بالتهديدات اللى حيطوها مبرمجين الحماية فى دماغهم
...............................................................................................
اضربلك مثل عملى نقرب بيه الفكرة و نختم بيه المقال
..............................

كان واحد عايز يضرب موقع راجل كويس يعنى بس هو عايز يجرب حاجة جديدة يوقع بيها موقع من غير برامج
الفكرة مش ان الموقع يقع
هو عايز يجرب unthinkable hacking method
فهو عايز تعمل ايه يا ابنى
قالك انا عايز العب على دماغ الراجل على قاعد على السيرفر
مالها دماغه
قالى استنى بس ؟؟
هو دلوقتى انا لو خدت سورس صفحة نت و قمت ملغمه بكود بسيط
يعمل ايه الكود
قال
حيخلى السيرفر اللى شايل الموقع او مستضيفه يرستر او يعمل ريستارت كل شوية
فانا اقوله
طيب
يعنى هو انت كده حتكتب كود مفيش برنامج حماية حيجيبه
قالى طبعا
كود عبيط ملهوش علاقة بالاختراق اساسا
طيب و بعدين
قالى
الراجل اللى قاعد على السيرفر حيتجنن هههههههههههههه
و يقول الله ؟؟ فى ايه ؟؟ هو السيرفر كل شوية حيرستر ليه
فى ايه يا عم الحج
؟؟؟

السيرفر يعمل varityion او يعمل مراجعة
يقوله و الله اصل فى موقع احنا مستضيفينه على البوابة رقم كذا و البورت كذا
فيه مشاكل
هههههههههههه
الراجل يقول للسيستم شيل ام الموقع البايظ ده اقطع عليه ميه و نور
بس خلاص
اللى احنا عايزينه اتعمل
الموقع اتقفل
شكرا و دمتم
..................
يبقى هنا الراجل ده اشتغل على ثغرة فى السيرفر
لا
اشتغل على ثغرة فى الموقع
لا
ازاى ............ امال كتب كود ازاى يا عم الحج ؟؟ و فين ؟؟ فى حاجة اسمها حقن زى الابرة كده عطى للموقع ابرة ........ هههههههههه .. بس كبيرة شوية
............
اللى انا عايز اقوله ان الراجل اللى كتب الكود موقعش الموقع
صاحب السيرفر هو اللى قفله بايده
امال اللعب على ايه
على دماغ الراجل مدير السيرفر
بس يا عم الحج
..............................................................

نرجع مرجوعنا
يبقى القصة اللى فاتت دى علاقتها ايه بسياسة الحماية اللى حيشتغل بيها الانتى فيرس او نظام الحماية
انا قلتلك ان مبرمج الانتى فيرس بيحط فى اعتباره انت حيريحك ايه و يتعبك ايه
و الراجل المخترق
بيلعب على كده برده
و انت فى النص ههههههههههههه يا عينى
معلش يا عم الحج
...................................................................
فيرس يفوت و لا حد يموت
و سيرفر يقع و لا دماغنا تتوجع
و هارد يتفرمت .... و لا هدومنا تتمرمط
.......................................................

الخلاصة
ان اهم ما يميز الانتى فيرس او نظام الحماية السياسة اللى بيتبعها فى تامين نظامك انت
و انت غيرى و غير اللى جنبك و كل واحد يختلف عن التانى
علشان كده فى كذا انتى فيرس
................
و علشان كده برده كل يوم فى فيرس جديد
..............................

انما احنا عايزين نعمل ايه
عايزين نتعمق شوية فى سياسات الحماية دى ؟؟
و نعرف يعنى ايه
و نعرف مين اللى جه الاول البيضة و لا الفرخة
.......................
و بالمرة نعدى على موضوع الثغرات الامنية سواء فى الويندوز او فى دماغ المستخدم
و فى الاخر

خالص
ننتخب انتى فيرس
و نرشحه للرئاسة
و نطلب منه تعديل الدستور او على الاقل تغيير الويندوز
..............

اترككم فى رعاية الله
و نكمل المقال القادم