مونى00
مشرف Supervisor
الابراج : 
عدد المساهمات : 700
تاريخ الميلاد : 02/07/1987
العمر : 37
نقاط : 1489
تاريخ التسجيل : 28/03/2009
بطاقة الشخصية
تربوي:
 |  موضوع: رسالة الى مدمن  الأحد أبريل 11, 2010 5:21 pm | |
| [ندعوك للتسجيل في المنتدى أو التعريف بنفسك لمعاينة هذه الصورة]رسالة الى مدمن
د. أحمد الموجي
مدرس مساعد الطب النفسى
كلية طب المنصورة
يا عينى عاللى اشترى .. كيفه وباع نفسه!
على صحته بيفترى … هانت عليه نفسه!
عايش يشرب بانجو
ويبرشم لجل ما ينسى
ويعبى الماكس ف دمه
والهيروين عشقه وهمه
دا يبيع الدنيا بحالها
ولا انه يبطل شمه
ما هو كيفه اتمكن منه
**
بستغرب ع الانسان
علم نفسه الإدمان
وبدر باديه البذرة (1)
ف ترابة نفسه الخصبة
كان لازم طبعا تطرح
طرح ندامه وخسران
**
والنفس ف أصلها طفله
لو عودتها على خصله
تديها شوية لذه
العاده هتقلب نشوه
والنفس هتصبح عاشقه
وتسوق فيها الإدمان
والحق على الانسان
**
ما تلومشى غير على نفسك
ياللى اخترت طريق نحسك
وانت اللى مشيته بخاطرك
كان همك تنسى همومك
ويعدى مفرفش يومك
واهى جت ف الآخر ضدك
والصحه بقت على قدك
**
كنت بتهرب من أيه؟
فيه شىء انت مخبيه؟
من حزن بتهرب منه؟
وأمل ما رضيش توصل له؟
ولا حبيبك من هجره..
سابك تسهر لياليه؟
وفضلت مصاحب كاسك
ومونس ليلك بيه
**
كلنا عايشين ف الأزمه
والدنيا ما هياش راحمه
كل الخلق ومش سايبه
بنى آدم خالى هموم
لكن الانسان الراجل
شايل أحزانه وراحل (2)
يصحى ف أيام فرحان
وليالى يبات مهموم
والحكمه ف خلق الدنيا
ان الأحوال مش دايمه
حزن بيتبدل فرحه!
ضحكه بتغرق ف الدمعه
ويفوت العمر بسرعه
ليله بتجرى ورا يوم
**
طب ليه م الدنيا بتهرب؟
من بدرى تسيب الملعب؟
علشان الحظ معاند؟
والدنيا بتضرب جامد؟
مع ان ما حدش يكسب
من غير ما يعانى ويتعب
**
لكن انت بسرعه زهقت
وعلى الدنيا استعجلت
انها لازم تضحك لك
وبايدك تخطف حظك
وتسلطن جو لنفسك
ما عرفتش ان نهايتك
مع رحلة كيفك بدأت!
توهت دماغك تهت
بالبرشام هلوست
لكن مشكلتك فضلت
وانت اللى بايدك مت!.
--------------------------------------------------------------------------------
(1) - وبدر: بفتح الدال وتسكين الراء
-باديه: كسر الباء,تسكين الألف, فتح الدال
(2) - وراحل: بسكون الوا
و
| |
|
